De Bruyne në dyshime për derbin ndaj United, e konfirmon Guardiola

12:41 | 5 Mars 2020
Arbresh Info

Trajneri i Manchester Cityt, Pep Guardiola ka pranuar se mesfushori, Kevin de Bruyne mund të mos jetë në gjendje të përballet me Manchester United.

Belgu pësoi lëndim në shpinë në fitoren ndaj Aston Villas në “Wembley” të dielën e kaluar, ndërsa dje kundër Sheffield Wednesday ishte në stol, transmeton portali arbresh.info.

Guardiola ka thënë se De Bruyne pësoi lëndim të keq dhe nuk dihet se sa do të mungojë.

“Ra në një pozicion të vështirë dhe ka probleme me shpinën. Nuk e dimë sa do të mungojë, shpresojmë që jo shumë”, theksoi ai.

City këto dy javë do këtë punë ndeshje shumë të vështira sepse pas “Djajve të Kuq” do takohet me Arsenalin, ndërsa me 17 mars me Real Madridin./arbresh.info.